هيثم دبور يعيد العالمي عمر الشريف إلى الشاشة من جديد

حصل السيناريست والروائي هيثم دبور على حقوق تحويل مذكرات الفنان العالمي عمر الشريف لعمل  درامي، وده بالاتفاق مع ابن عمر الشريف وسيدة الشاشة فاتن حمامة السيد طارق الشريف اللي وافق أنه يطلع ذكريات والده للنور ويكشف عن جوانب شخصيته وأزاي وصل للعالمية وهوليوود. الجدير بالذكر أن المذكرات يُقال أنها جريئة جدًا والفنان عمر الشريف كان طليق العنان والحديث أثناء كتابته لها وده اللي خلاها تضم مجموعة من أحداث كتير يمكن الناس مسمعتش عنها قبل كدة والأكيد أنها هتظهر جوانب جميلة وشجاعة كتير محدش كان يعرفها عن الفنان القدير رحمه الله. 

بعد الإعلان عن الخبر ده الناس بدأت تقلق.. هل المذكرات هتتعمل زي مهي؟ هل هيتم تحريفها كباقي السير الذاتي لمعظم الفنانين العمالقة؟ والقلق ده اللي خلاهم يطالبوا الكاتب هيثم دبور بأنه يتحرى المصداقية والدقة أثناء تصوير المسلسل وده بناءًا على ثقتهم في الكاتب المميز وسابقة أعماله، والحقيقة أن أعماله كلها تثبت أنه أجدر الناس بتولي مسؤولية زي دي.